त्रिकोणात्मक सिरिजः फाइनलमा यूएईविरुद्ध नेपालले पहिला ब्याटिङ गर्ने

काठमाडौँ- त्रिकोणात्मक टी-ट्वान्टी अन्तर्राष्ट्रिय सिरिजको फाइनलमा घरेलु टोली नेपालले युनाइटेड अरब इमिरेट्स (यूएई) विरुद्ध पहिला ब्याटिङ गर्ने भएको छ ।

कीर्तिपुरस्थित त्रिवि क्रिकेट मैदानमा टस जितेर यूएईले नेपाललाई पहिला ब्याटिङका लागि निम्तो दिएको हो ।

यसअघि लिग चरणमा नेपालले यूएईविरुद्ध दुवै खेलमा जित हात पारेको थियो । नेपालले पहिलो खेलमा यूएईलाई ७ विकेट तथा दोस्रो खेलमा ६ विकेटले हराएको थियो ।