कोभिड सङ्क्रमित पत्रकार रवीन्द्र गौतमको मृत्यु

हेटौंडाः दोलखाका पत्रकार रवीन्द्र गौतमको कोभिडको कारण आइतबार काठमाडौँमा मृत्यु भएको छ । जेठ ९ गते दोलखाको चरिकोटमा थप उपचार सम्भव नभएपछि उनलाई एयर एम्बलेन्सबाट काठमाडौंको एभरेष्ट अस्पतालमा लगिएको थियो ।

३८ वर्षीय गौतम पत्रकार महासंघ दोलखाका कार्यसमिति सदस्य, रेडियो भिमेश्वरका स्टेशन म्यानेजर र अन्नपूर्ण पोष्टमा कार्यरत थिए । हालसम्म बागमती प्रदेशमा ५० जना भन्दा बढी पत्रकारमा संक्रमण पुष्टि भइसकेको छ । प्रदेशमा पत्रकारको मृत्यु भएको यो पहिलो घटना भएको पत्रकार महासंघ बागमती प्रदेशको महासचिव कृष्ण सारु मगरले जानकारी दिए ।