क्रिकेट विश्वकपः अफगानिस्तानले आज इंग्ल्यान्डको सामना गर्दै

काठमाडौँ- भारतमा जारी आईसीसी एकदिवसीय क्रिकेट विश्वकप अन्तर्गत आज अफगानिस्तानले इंग्ल्यान्डको सामना गर्दैछ ।

अफगानिस्तान र इंग्ल्यान्डबीचको खेल दिल्लीस्थित अरुण जेट्ली स्टेडियममा नेपाली समयअनुसार दिउँसो २:१५ बजेबाट सुरु हुनेछ ।

विश्वकपअन्तर्गत अफगानिस्तान र इंग्ल्यान्ड दुवैले तेस्रो खेल खेल्दैछन् । इंग्ल्यान्डले अघिल्ला दुईमध्ये एक खेलमा जित हात पार्दा एक खेलमा पराजय भोगेको थियो ।

यता अफगानिस्तानले भने दुवै खेलमा पराजय भोगेको छ ।

यसअघि शनिबार भएको खेलमा भारतले पाकिस्तानलाई सात विकेटले पराजित गर्दै लगातार तेस्रो जित हात पारेको थियो । पाकिस्तानले दिएको १ सय ९२ रनको लक्ष्य भारतले ३ विकेट गुमाएर ३० ओभर ३ बलमै पूरा गरेको थियो ।