एन्फा एएफसी मेम्बर एसोसियसन अफ द इयरका लागि मनोनित

काठमाडौँ- अखिल नेपाल फुटबल संघ (एन्फा) एएफसी मेम्बर एसोसियसन अफ द इयर (गोल्ड) को मनोनयनमा परेको छ ।

एसियन फुटबल कन्फेडेरेसनले शुक्रबार एएफसी एनुअल अवार्ड्स दोहा २०२२ को लागि मनोनयन सार्वजनिक गरेको हो ।

सोही अवार्ड्सअन्तर्गत एन्फा एएफसी मेम्बर एसोसियसन अफ द इयर (गोल्ड) को मनोनयनमा परेको हो ।   

यस विधातर्फ हङकङ र कुवेतका फुटबल संघ पनि मनोनयनमा परेका छन् । अवार्ड्स विजेताको घोषणा अक्टोबर ३१ तारिखमा हुनेछ ।