क्रिकेट विश्वकपः न्यूजिल्यान्ड र बंगलादेश भिड्दै

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत शुक्रबार न्यूजिल्यान्डले बंगलादेशको सामना गर्दैछ ।

न्यूजिल्यान्ड र बंगलादेशबीचको खेल चेन्नइस्थित एमए चिदमबरम स्टेडियममा नेपाली समयअनुसार दिउँसो २:१५ बजेबाट सुरु हुनेछ ।

विश्वकपअन्तर्गत न्यूजिल्यान्ड र बंगलादेश दुवैले तेस्रो खेल खेल्दैछन् । यसअघि न्यूजिल्यान्डले दुवै खेलमा जित हात पार्दा बंगलादेशले भने एक खेल जित्दा एक खेलमा पराजय भोगेको थियो ।

यसअघि बिहीबार भएको खेलमा दक्षिण अफ्रिकाले अस्ट्रेलियालाई १ सय ३४ रनले पराजित गरेको थियो । दक्षिण अफ्रिकाको जितमा क्विन्टन डी ककले १ सय ९ रनको शतकिय इनिङ्स खेले ।