सानिमा माई हाइड्रोपावरको बोनस सेयरमा मूल्य समायोजन, बुधबार कतिमा खुल्छ कारोबार ?

काठमाडौँ- नेपाल स्टक एक्सेचन्ज (नेप्से) मा सानिमा माई हाइड्रोपावर लिमिटेडको १० प्रतिशत बोनस सेयरमा मूल्य समायोजन भएको छ ।

हिजो मंगलबारको अन्तिम कारोबार मूल्य ३२७ रुपैयाँलाई आधार मानेर भाउ समायोजन गरिएको नेप्सेले जनाएको छ । मूल्य समायोजन पश्चात भाउ २९७ रुपैयाँ २७ पैसा कायम भएको छ । सोही मूल्यलाई आधार मानेर आज बुधबार यसको कारोबार खुला हुनेछ । 

यस कम्पनीले गत वर्षको नाफाबाट १०% बोनस सेयर र कर प्रयोजनका लागि ०.५२६३% नगद लाभांश गरी कुल १०.५२६३% लाभांश वितरण गर्दैछ । कम्पनीले उक्त प्रस्तावित लाभांश पारित गर्न कात्तिक २३ गते वार्षिक साधारण सभा बोलाएको छ ।

साथै, सञ्चालक समिति बैठकले ५६ मेगावाटको जुम खोला जलविद्युत् आयोजनाको प्रवर्द्धक कम्पनी सानिमा जुम हाइड्रोपावरमा १ अर्ब ५० करोड रुपैयाँ लगानी गर्ने निर्णय पनि गरेको छ । उक्त प्रस्ताव पनि साधारण सभामा पेस हुनेछ ।