'धार्मिक सद्भाव बिथोल्ने काममा राप्रपाका कोही व्यक्ति संलग्न भए सम्पूर्ण जिम्मेवारी लिन तयार छु'

काठमाडौँ- राप्रपाका सांसद दीपकबहादुर सिंहले धार्मिक सद्भाव बिथोल्ने काममा राप्रपाका कोही व्यक्ति संलग्न भए सम्पूर्ण जिम्मेवारी लिन तयार रहेको बताएका छन् ।

शुक्रबार संसद् भवन नयाँ बानेश्वरमा सञ्चारकर्मीसँग कुरा गर्दै सिंहले मुलुकमा धार्मिक सद्भाव कायम गर्नुपर्छ भन्नेमा आफ्नो पार्टी एकमत रहेको भन्दै कहीकतै धार्मिक सद्भाव बिथोल्ने काममा राप्रपाका कोही व्यक्ति संलग्न भए सम्पूर्ण जिम्मेवारी लिन तयार रहेको बताएका हुन् ।

उनले धार्मिक सद्भाव बिथोल्ने काममा पूर्व राजा ज्ञानेन्द्र शाहको संलग्नता भए कारबाही गर्न समेत सरकारलाई चुनौती दिए । धार्मिक सद्भाव बिथोल्ने काममा पूर्व राजा ज्ञानेन्द्र शाहको संलग्न भए आफू सांसद पदबाटै राजीनामा दिने उनले बताए ।​

उनले विभिन्न प्रकरणमा आफ्नो दोष अरुलाई थोपार्न राजावादीहरूलाई आरोप लगाइएको तर्क गरे ।