विश्व क्रिकेटका यी पाँच हस्ती जसले भारतमा हुने विश्वकप गुमाए

काठमाडौँ- आईसीसी एकदिवसीय क्रिकेट विश्वकप बिहीबारबाट भारतमा सुरु हुँदैछ । भारतमा विश्वकप सुरु हुँदै गर्दा कैयौँ खेलाडीले भने उक्त अवसर गुमाउने भएका छन् ।

कतिपय खेलाडी घाइते भएका कारण टिममा स्थान बनाउने सकेनन् भने केही छनोटकर्ताको रोजाइमा पर्न सकेनन् ।

विश्वकपको पहिलो खेलमा बिहीबार साविक विजेता इंग्ल्यान्डले न्यूजिल्यान्डको सामना गर्दैछ । तर इंग्ल्यान्डकै ओपनर जासोन रोयले टिममा स्थान बनाउन सकेनन् ।

रोय विश्वकपका लागि इंग्ल्यान्डको प्रारम्भिक टोलीमा रहे पनि १५ सदस्यीय टोलीमा भने पर्न सकेनन् । सन् २०१९ मा इंग्ल्यान्डले विश्वकपको उपाधि जित्दा रोयले सात खेलमा ४ सय ४३ रन बनाएका थिए । घाइते भएपछि ३३ वर्षीय रोयले विश्वकप गुमाउने भएका हुन् ।

यता बंगलादेशका ब्याटर तमिम इक्वालले पनि भारतमा आयोजना हुने विश्वकप गुमाउँदैछन् । घाइते भएपछि ३४ वर्षीय इक्वाललाई बंगलादेशका छनोटकर्ताले उनलाई टिममा स्थान दिएनन् । उनले यस वर्षको सुरुवातमा सन्यासको घोषणा गरे पनि पछि उक्त निर्णय फिर्ता लिएका थिए ।

पाकिस्तानका मुख्य बलरनशिम शाहले पनि यस वर्षको विश्वकप गुमाउने छन् । तर एसिया कपका क्रममा घाइते भएपछि उनी टिममा पर्न सकेनन् । शाह कम्तीमा पनि ३ देखि ४ महिना मैदान बाहिर रहनेछन् ।

अर्कोतर्फ श्रीलंकाका लागि महत्वपूर्ण मानिएका लेग-स्पिनर अलराउन्डर वानिन्दु हसरंगाले पनि विश्वकप गुमाउँदैछन् ।

एसिया कपका क्रममा घाइते भएर समयमा ठिक हुन नसकेपछि हसरंगाले पनि विश्वकप गुमाउने निश्चित बन्यो ।

विश्वकप गुमाउनेमा अर्का मुख्य खेलाडी हुन् न्यूजिल्यान्डका अलराउन्डर माइकल ब्रेसवेल । ३२ वर्षीय गत जुनमा घाइते भएका थिए र सोही कारण उनले विश्वकप गुमाउन पुगेका हुन् ।