एसियन गेम्सका लागि स्क्वास टिमको बिदाइ

काठमाडौँ- नेपाल स्क्वास एन्ड र्याकेट्स संघले १९ औँ एसियन गेम्समा सहभागी हुने स्क्वास टिमलाई बिदाइ गरेको छ ।

नेपाल स्क्वास एन्ड र्याकेट्स संघका अध्यक्ष ध्रुवबहादुर गुरुङलगायतले खेलाडी, प्रशिक्षक र व्यवस्थापकको टिमलाई शुक्रबार बिदाइ गरेको हो ।

एसियन गेम्समा नेपालले स्क्वासतर्फ एकल र टिम इभेन्ट्समा प्रतिस्पर्धा गर्नेछ । नेपाली टिममा पुरुषतर्फ अरहान्तकेशर सिंह, अमृत थापा मगर, अमिर ब्लोन तथा महिलातर्फ कृष्णा थापा, विपना ब्लोन र स्वस्थानी श्रेष्ठ रहेका छन् ।

प्रशिक्षकमा हिराबहादुर थापा मगर र म्यानेजरमा किशोर महर्जन रहेका छन् । नेपाली स्क्वास टिम शनिबार चीनको हान्झाउ प्रस्थान गर्नेछ ।

स्क्वासलाई सहयोग

यसैबीच बिदाइ कार्यक्रममा एक्स स्टेपले नेपाली स्क्वास टिमलाई खेल पोशाक प्रायोजन गरेको छ । एक्स स्टेपले स्क्वास टिमलाई २० टिसर्ट र आठ हाफ पाइन्ट वितरण गरेको थियो ।