यी नम्‍बरमा फोन गरे खाद्य र साल्ट ट्रेडिङले घरमै ल्याइदिन्‍छ खाद्यान्‍न

काठमाडौँ : काठमाडौँ उपत्यकामा अब फोन गरेमा घरमै खाद्यान्‍न आइपुग्‍ने व्यवस्था भएको छ । उपत्यकामा किराना पसल र डिपार्टमेन्टल स्टोर बन्द गर्ने निर्णय गरेसँगै वैकल्पिक व्यवस्था गरिएको हो ।

नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसन लिमिटेडमा फोन गरे खाद्य सामाग्री घरमै आइपुग्‍ने काठमाडौँ जिल्‍ला प्रशासन कार्यालय काठमाडौँले सार्वजनिक सूचना जारी गरेको छ ।

'कतै खाद्यान्‍न वस्तुको अभाव भई खरिद गर्नुपर्ने अत्यावश्यक भएमा नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशन लिमिटेडका तर्फबाट मोबाइल गाडीमार्फत स्थानीय तहको समन्वयमा स्थानीय स्तरमै खाद्यान्‍न खरिद विक्रिको व्यवस्था मिलाइएको' जारी सूचनामा भनिएको छ 'खाद्यान्‍न सम्बन्धी जुनसुकै समस्या भएमा निम्‍नानुसारका सम्पर्क व्यक्तिहरुसँग सम्पर्क गर्नु हुन सबैमा अनुरोध छ ।'

किराना पसल र डिपार्टमेन्टल स्टोर बन्द गर्ने निर्णयबाट आलोचित प्रशासनको आलोचना भइरहेको थियो ।