६० किलो सुन तस्करी प्रकरणमा १८ जना अझै फरार

काठमाडौँ– त्रिभुवन विमानस्थलबाट ६० किलो सुन तस्करी भएको प्रकरणमा संलग्न १८ जना अझै फरार रहेका छन् । सुन प्रकरणमा अनुसन्धान सकेर बुधबार जिल्ला सरकारी वकिलको कार्यालयलाई प्रतिवेदन बुझाउन लागेको नेपाल प्रहरीको अनुसन्धान व्यूराेले प्रकरणमा संलग्न अझै १८ जना फरार रहेको बताएको हो । 

सीआइबीकी प्रमुख एआइजी किरण बज्राचार्यले यो घटनामा ५० जनालाई प्रतिवादी बनाइएकोमा ३२ जना पक्राउ परेको र १८ जना अझै फरार रहेको बताइन् । एआइजी बज्राचार्यका अनुसार पक्राउ पर्नेमा २३ जना नेपाल र ९ जना विदेशी नागरिक रहेका छन् । त्यस्तै, फरारमध्ये ४ जना नेपाली र १४ जना विदेशी रहेका छन् । 

गत साउन २ गते त्रिभुवन विमानस्थलबाट ६० किलो सुन बरामद भएको थियो ।