एसिया कपः भारत र पाकिस्तान पुनः भिड्दै

काठमाडौँ- पाकिस्तान र श्रीलंकामा जारि एसीसी एसिया कप क्रिकेट प्रतियोगिताअन्तर्गत भारत र पाकिस्तान पुनः आज भिड्दैछन् ।

प्रतियोगिताको सुपर फोरमा पुनः भारत र पाकिस्तान भिड्न लागेका हुन् । भारत र पाकिस्तानबीचको खेल श्रीलंकाको कोलम्बोस्थित प्रेमादासा स्टेडियममा नेपाली समयअनुसार दिउँसो ३:१५ बजेबाट सुरु हुनेछ ।

सुपर फोरमा पाकिस्तानले दोस्रो खेल खेल्दै गर्दा भारतको भने यो पहिलो खेल हुनेछ । पाकिस्तानले पहिलो खेलमा बंगलादेशलाई पराजित गरेको थियो ।

यसअघि समूह चरणमा पाकिस्तान र भारतबीचको खेल वर्षाका कारण रद्द भएको थियो ।