सन्दीपको वरीयता खस्कँदा आशिफको सुधार

काठमाडौँ- सन्दीप लामिछानेको एकदिवसीय अन्तर्राष्ट्रिय वरीयता खस्किएको छ ।

आईसीसीले सार्वजनिक गरेको नयाँ वरीयताअनुसार लेग स्पिनर सन्दीपको बलिङतर्फको वरीयता ६ स्थान तल झरेको हो ।

यसअघि २२ औँ स्थानमा रहेका सन्दीप अहिले २८ औँ स्थानमा पुगेका छन् ।

बलिङतर्फ नै दिपेन्द्र सिंह ऐरी ६३ औँ बाट ६७ औँ, सोमपाल कामी ८० औँ बाट ९४ र करण केसी ८३ बाट ८७ औँ स्थान झर्दा ललित राजवंशी ९८ औँ स्थानमा यथावत छन् ।

ब्याटिङतर्फ भने आशिफ शेख ८० औँ स्थानबाट ७५ औँ स्थानमा उक्लिँदा कप्तान रोहित पौडेल ७३ औँ स्थानबाट ८५ औँ स्थानमा झरेका छन् ।