राष्ट्रियसभा एक साताका लागि स्थगित

काठमाडौँ– संघीय संसद्अन्तर्गतको माथिल्लो सदन राष्ट्रियसभा एक साताका लागि स्थगित भएको छ । राष्ट्रियसभाका अध्यक्ष गणेशप्रसाद तिमिल्सिनाले बैठक एक सातापछि भदौ २४ गते बस्ने गरी स्थगित भएको जानकारी दिए । 

सोमबार बसेको राष्ट्रियसभा बैठकबाट ‘संविधानअनुसार बन्न बाँकी कानुनहरूको अध्ययन प्रतिवेदन, २०८०’ प्रस्तुत भएको थियो । प्रतिवेदन सभाबाट सर्वसम्मत रूपमा स्वीकृत भएको छ । 

प्रतिवेदनमाथि छलफल पनि भएको थियो । छलफलमा १० जना सांसदले भाग लिएका थिए भने प्रधानमन्त्री पुष्पकमल दाहाल 'प्रचण्डले' अन्तिममा जवाफ दिएका थिए । प्रधानमन्त्री प्रचण्डले सरकार संविधान अनुकूल बनाउनुपर्ने कानुन बनाउने कार्यमा लागेको बताए ।