युनाइटेडमाथि आर्सनलको जित, लिभरपुल पनि विजयी

काठमाडौँ- इंग्लिस प्रिमियर लिगअन्तर्गत आर्सनलले म्यानचेस्टर युनाइटेडमाथि शानदार जित हात पारेको छ ।

आइतबार राति भएको खेलमा आर्सनलले युनाइटेडलाई ३-१ गोलअन्तरले पराजित गरेको हो ।

आर्सनलको जितमा मार्टिन ओडेगार्ड, डेक्लन राइस र गाब्रिएल जेससले एक-एक गोल गरे । युनाइटेडका लागि एकमात्र गोल मार्कस रासफोर्डले गरे ।

यता अर्को खेलमा लिभरपुलले एस्टन भिल्लालाई ३-० तथा क्रिस्टल प्यालेसले उल्भ्सलाई ३-२ ले पराजित गरे ।

यससँगै समान ४ खेलमा समान १०-१० अंक जोडेका लिभरपुल तेस्रो तथा आर्सनल पाँचौँ स्थानमा रहेका छन् ।

चार खेलबाट ६ अंक जोडेको युनाइटेड भने ११ औँ स्थानमा छ ।