एसिया कपका लागि साविक विजेता श्रीलंकाको टोली घोषणा

काठमाडौँ- पाकिस्तानमा बुधबार अर्थात भोलिदेखि सुरु हुने एसिया कप २०२३ का लागि साविक विजेता श्रीलंकाको टोली घोषणा भएको छ ।

दासुन शनाकाको कप्तानीमा १५ सदस्यीय टोलीको घोषणा श्रीलंका क्रिकेटले मंगलबार गरेको हो ।  

श्रीलंकाले एसिया कप ६ पटक जितिसकेको छ । उसले गत वर्षको आयोजित प्रतियोगितामा पाकिस्तानलाई हराउँदै उपाधि जितेको थियो । 

एसिया कप अगस्ट ३० बाट सुरु हुँदैछ । यसका लागि श्रीलंका समूह ‘बी’ मा रहेको छ । यसै समूहमा अफगानिस्तान र बंगलादेश पनि रहेका छन् ।

श्रीलंकाले पहिलो खेल बंगलादेशसँग अगस्ट ३१ तथा दोस्रो खेल अफगानिस्तानविरुद्ध सेप्टेम्बर ५ मा खेल्ने तालिका रहेको छ ।

श्रीलंकाको टोलीः

​दासुन शानक,पथुम निसानका, दिमुथ करुनरत्ने, कुसल जनित परेरा, कुसल मेन्डिस, चरित असलंका, धनञ्जय डे सिल्भा, सदीरा समरविक्रमा, महीश थीकशाना, डुनिथ वेललाज, माथीशा पाथिराना, कासुन राजिथा, दुशन हेमन्थ, बिनुरा फर्नान्डो र प्रमोद मधुशन