स्वास्थ्य संकटकाल लगाउन सकिन्छ : स्वास्थ्यमन्त्री त्रिपाठी

काठमाडौँ : नेपाल सरकारले स्वास्थ्य संकट लगाउने तयारी गरिरहेको स्वास्थ्य तथा जनसंख्या मन्त्री हृदयेश त्रिपाठीले बताएका छन् । सोमबार मन्त्रालयमा भर्चुअल  पत्रकार सम्मेलनको क्रममा उनले त्यस्तो संकेत गरेका हुन् । 

कोभिड संक्रमण नियन्त्रणका लागि सरकारले गरेका प्रयासहरु, नियन्त्रणका लागि दातृ निकाय तथा देशबाट प्राप्त सहयोग लगायतका विवरण सार्वजनिक गरेका उनले विज्ञहरूले स्वास्थ्य संकटकाल लगाउन सुझाव दिएका बताए । 

उहाँहरूले संकटकाल लगाउन दिएको सुझावलाई सरकारले सकारात्मक रुपमा लिएको छ। संकटकाल लाग्नसक्नेतर्फ संकेत गर्दै  मन्त्री त्रिपाठीले थपे । उनले कोभिड संक्रमण नियन्त्रणका लागि सरकारले गरिरहेका खर्चहरूको विषयमा बेला बेला श्वेतपत्र जारी गर्दै सर्वसाधारणलाई जानकारी गराउने प्रतिबद्धता समेत जनाए । 

सरकारले हालै ल्याएको कोभिड अध्यादेशमा स्वास्थ्य संकटकाल लगाउन सकिने व्यवस्था गरिएको छ । स्वास्थ्य संकटकाल घोषणा गरिएको खण्डमा देशभरका स्वास्थ्य संस्थाहरू सरकारको नियन्त्रणमा जानेछ र सरकारले ती संस्थाहरूलाई आफ्नो अनुकूल परिचालन वा संचालन गर्नेछ ।