मेस्सीआवद्ध इन्टर मियामीले जित्यो लिग्स कपको उपाधि

काठमाडौँ- अर्जेन्टिनी फुटबल स्टार लियोनल मेस्सीआवद्ध अमेरिकी क्लब इन्टर मियामीले लिग्स कपको उपाधि जितेको छ ।

आइतबार बिहान भएको फाइनलमा नासभिललाई पेनाल्टी सुटआउटमा पराजित गर्दै मियामीले उपाधि जितेको हो ।

मेस्सी आवद्ध भएको पहिलो सिजनमै मियामीले उपाधि हात पारेको हो ।

मियामीले नासभिललाई पेनाल्टीमा १०-९ ले पराजित गरेको हो ।

यसअघि निर्धारित ९० मिनेटको खेलमा दुवै टोली १-१ गोलको बराबरीमा रोकिएपछि खेल पेनाल्टी सुटआउटमा गएको थियो ।

यसअघि निर्धारित समयको २३ औँ मिनेटमा मेस्सीले गोल गर्दै मियामीलाई सुरुवाती अग्रता दिलाएका थिए ।

तर नासभिलका फाफा पिकाउल्टले ५७ औँ मिनेटमा बराबरी गोल गरे ।