फिफा विश्वकपः नर्वेलाई पराजित गर्दै जापान क्वार्टरफाइनल

काठमाडौँ- जापान फिफा महिला विश्वकप फुटबलको क्वार्टरफाइनलमा प्रवेश गरेको छ ।

वेलिङ्टन रिजनल स्टेडियममा आज भएको प्रि-क्वार्टरफाइनल खेलमा नर्वेलाई ३-१ ले पराजित गर्दै जापान अन्तिम ८ मा प्रवेश गरेको हो ।

जापानलाई जित दिलाउन रिसा सिमिजु र हिनाता मियाजावाले एक-एक गोल गर्दा नर्वेकी इन्ग्रिड इन्गेनले एक आत्मघाती गोल गरिन् ।

जारी विश्वकपमा जापानकी हिनाताको यो पाचौँ गोल हो ।

नर्वेका लागि गुरो रेइटेनले एक गोल फर्काइन् ।