एन्डी फ्लाओर रोयल च्यालेन्जर्स बैँग्लोरको मुख्य प्रशिक्षक नियुक्त

काठमाडौँ- इन्डियन प्रिमियर लिग (आईपीएल) टिम रोयल च्यालेन्जर्स बैँग्लोरले एन्डी फ्लाओरलाई मुख्य प्रशिक्षक नियुक्त गरेको छ ।

बैँग्लोरले डाइरेक्टर अफ क्रिकेट माइक हेसन र मुख्य प्रशिक्षक संजय बान्गरको सम्झौतापत्र नविकरण नगरेर एन्डीलाई मुख्य प्रशिक्षक नियुक्त गरेको हो ।

जिम्बाब्वेका पूर्व कप्तान एन्डी गत सिजनसम्म एन्डी लखनउ सुपर जायन्ट्सका मुख्य प्रशिक्षक थिए ।

उनले लगातार दुई सिजन लखनउलाई प्लेअफमा पुर्‍याएका थिए ।