साफ यू-१६: नेपालले पहिलो खेल बंगलादेशविरुद्ध खेल्ने

काठमाडौँ- भुटानमा आयोजना हुने साफ यू-१६ च्याम्पियनसीपको पहिलो खेलमा नेपालले बंगलादेश विरुद्ध खेल्ने भएको छ ।

समूह 'ए'मा रहेको नेपाल र बंगलादेशको खेल सेप्टेम्बर ३ मा हुनेछ ।

भुटानको चाङ्लिमिथाङ रंगशालामा हुने खेल नेपाली समयअनुसार साँझ ६:४५ बजे सुरु हुनेछ ।

नेपालले दोस्रो खेल सेप्टेम्बर ५ मा भारतसँग दिउँसो २:४५ बजे सोही मैदानमा खेल्नेछ ।