चिनियाँ शीर्ष नेता च्या काठमाडौँमा

काठमाडौँ- चिनियाँ कम्युनिस्ट पार्टी (सीपीसी) का पोलिटब्युरो सदस्य युआन च्या च्युन काठमाडौँ आएका छन् ।

नेकपा माओवादी केन्द्रको निमन्त्रणामा युआन च्या च्युन नेतृत्वको टोली आइतबार काठमाडौँ आइपुगेको हो ।

चिनियाँ कम्युनिस्ट पार्टी (सीपीसी) को उच्च स्तरीय टोलीलाई त्रिभुवन विमानस्थलमा माओवादी केन्द्रका महासचिव देव गुरुङलगायतले स्वागत गरेका थिए ।

नेपालमा पुष्पकमल दाहाल प्रचण्डको नेतृत्वमा सरकार बनेपछि नेपाल भ्रमणमा आउने युआन च्या च्युन सबैभन्दा वरिष्ठ नेता हुन् । तीन दिने नेपाल भ्रमणका क्रममा उनले विभिन्न दलका नेताहरूसँग पनि भेटवर्ता गर्ने कार्यक्रम छ ।