७ गते प्रधानमन्त्री प्रचण्ड इटाली जाने

काठमाडौँ- प्रधानमन्त्री पुष्पकमल दाहाल प्रचण्ड इटाली जाने भएका छन् । संयुक्त राष्ट्र संघको कार्यक्रममा भाग लिनका लागि प्रचण्ड इटाली जान लागेका हुन् ।

प्रधानमन्त्री प्रचण्ड संयुक्त राष्ट्र संघको खाद्य तथा कृषि संगठनको मुख्यालय इटलीमा आयोजना हुने ‘युनाइटेड नेसन्स फुड सिस्टम २०२३ स्टकिङ मोमेन्ट’मा सहभागी हुन जान लागेका हुन् । कार्यक्रम जुलाई २४,२५ र २६ मा इटालीमा हुँदैछ ।

प्रधानमन्त्री प्रचण्ड साउन ७ गते इटाली गएर साउन ११ गते नेपाल फर्किने कार्यक्रम रहेको बालुवाटार स्रोतले इकागजलाई जानकारी दियो ।

प्रधानमन्त्री प्रचण्डसँगै कृषि तथा पशुपन्छी विकास मन्त्री वेदुराम भुसाल पनि उक्त कार्यक्रममा सहभागी हुनेछन् ।

प्रधामन्त्री प्रचण्डको भ्रमणबारे आजको मन्त्रिपरिषद्‌ले निर्णय गर्ने बताइएको छ ।

उक्त कार्यक्रमको लागि नेपालबाट २० सदस्य जाने तयारी भइरहेको छ ।