एसिया कप : समूह चरणबाटै बाहिरिएको नेपालले भोलि यूएईको सामना गर्ने

काठमाडौँ- श्रीलंकामा जारी एसीसी इमर्जिङ टिम्स एसिया कपबाट बाहिरिएको नेपालले भोलि (बुधबार) युनाइटेड अरब इमिरेट्स (यूएई) ‘ए’ को सामना गर्नेछ ।

समूह ‘बी’ मा रहेका नेपाल र यूएईबीचको अन्तिम खेल कोलम्बोस्थित पी सारा ओभलमा नेपाली समयअनुसार बिहान १०:१५ बजेबाट सुरु हुनेछ ।

यसअघि शुक्रबार भएको पहिलो खेलमा नेपालले पाकिस्तान ‘ए’ सँग ४ विकेट र सोमबार भएको दोस्रो खेलमा भारत ‘ए’ सँग ९ विकेटले पराजित भएको थियो । यूएई ‘ए’ पनि अघिल्ला दुवै खेलमा पराजय भोगेर समूह चरणबाटै बाहिरिसकेको छ ।

प्रतियोगिताको समूह चरणबाट बाहिरिएका कारण भोलि मैदानमा उत्रँदा नेपाल र यूएई दुवै सान्त्वना जितको खोजीमा हुनेछन् ।