पदभार सम्हाल्दै उपाध्यक्ष कँडेलद्वारा ११ स्मार्ट सिटीको बहुवर्षिय आयोजना स्वीकृत

काठमाडौं : राष्ट्रिय योजना आयोगको उपाध्यक्षमा प्राडा पुष्पराज कँडेलले पदभार सम्हाल्दै एघार वटा स्मार्ट सिटीको बहुवर्षिय आयोजना स्वीकृत गर्ने निर्णयको फाइल सदर गरेका छन् । 

सोमबार बसेको मन्त्रिपरिषद्को बैठकले उपाध्यक्ष कडेल सहित सदस्यहरू डा. कृष्णप्रसाद ओली, डा. उषा झा र मीनबहादुर शाहीलाई आयोगको गठन आदेश बमोजिम नियुक्त गरेको थियो । 

पुनः नियुक्ति पछि आज बिहीबार सिंहदरबारमा प्रधानमन्त्री एवं राष्ट्रिय योजना आयोगका अध्यक्ष केपी शर्मा ओलीसमक्ष शपथ ग्रहण गरेका हुन् ।