२४ घण्टादेखि अवरुद्ध नारायणगढ-मुग्लिन सडकखण्ड अझै खुलेन

काठमाडौँ- २४ घण्टादेखि नारायणगढ-मुग्लिन सडकखण्डमा सवारी आवागमन पुर्ण रुपमा अवरुद्ध भएको छ । बिहीबार दिउँसो १ बजेदेखि चितवनको ईच्छाकामना गाउँपालिका-५ स्थित ३ नम्बर पुलमा ठूलाठुला ढुङ्गासहितको बिहीबार दिँउसो १ बजेबाट खसेको सुख्खा पहिरोका कारण  सडकखण्ड अवरुद्ध भएको हो ।

सडकखण्डमा २ वटा डोजर र २ वटा लोडरबाट केही समय अगाडिदेखि पहिरो पन्छाउने काम सुरु गरिएता पनि पहिरो नरोकिएका कारण समस्या भइरहेको जिल्ला ट्राफिक प्रहरी कार्यालय चितवनका प्रहरी निरिक्षक राज कुमार थापाले बताए ।

नारायणगढ-मुग्लिन सडकखण्डमा प्रयोग गरी देशका बिभिन्न स्थान तर्फ जाने सवारी साधनहरू हिजो दिउँसैबाट रामनगर, कृष्ण नगर,  दासढुङगा,  जुगेडी, कुरिनटार, मुग्लिङ, धादिङ, आसपासमै रोकिएका छन् ।