आश्वासनले मात्र पुगेन मन्त्रीज्यू : सांसद श्रेष्ठ

काठमाडौँ– प्रतिनिधिसभाको बैठकमा बोल्दै रास्वपाकी सांसद सुमना श्रेष्ठले धेरै मुद्दा किनारा हुन बाँकी रहेको कुरालाई दर्साउँदै आश्वासनले मात्र नपुगेको बताएकी छिन् । 

मंगलबार सदनको दोस्रो बैठकमा प्रश्न गर्दै उनले कानुनी भनाई ‘जस्टिस डिलेड इज जस्टिस डिनाइड’को कुरा जोड्दै भनिन्,‘ मैले मन्त्रीज्यूहरूबाट आश्वासन भन्दा केही फरक आउला भनेकी थिएँ । ढिलो न्याय दिनु भनेको न्याय नदिनु बराबर हो । मैले सम्बोधन गर्दा भन्दा बढी मुद्दा किनारा लाउन बाँकी रहेछ ।'

उनले भनिन्, ‘कहिलेसम्म हो मन्त्रीज्यू ? छ महिनामा सक्नुहुन्छ कि, आठ महिनामा सक्नुहुन्छ कि ? एउटा टाइमलाइन चाहिन्छ यो सबैका लागि आश्वासनले मात्र पुगेन मन्त्रीज्यू ।’

सांसद श्रेष्ठले जनतालाई कानुन बुझाउनुपर्ने र त्यसका लागि पनि बजेट चाहिने बताएका छन् ।