कृषि मन्त्रीलाई हरि ढकालको प्रश्न– सरकारले मल कौसी खेती गर्न दिएको हाे कि विघाका लागि ?

काठमाडौँ–राष्ट्रिय स्वतन्त्र पार्टीका सांसद हरि ढकालले सरकारले मल कौसी खेती गर्न दिएको कि विघा जमिनको लागि हो भन्दै प्रश्न गरेका छन् ।

बुधबार प्रतिनिधिसभा बैठकमा मन्त्रालयगत विनियोजित बजेट छलफलमा भाग लिँदै उनले कृषि मन्त्रीलाई यस्तो प्रश्न गरेका हुन् । 

‘तराईको यो गर्मीमा एक विघा जग्गाको लागि ५ किलो मल लिनका लागि लाइन लागेका ती किसान दाजुभाइको त्यो लाईनको वरिपरी तपाई पुग्न सक्नुहुन्छ ?,’ कृषि मन्त्रीलाई प्रश्न गर्दै उनले भने, ‘म कृषि मन्त्री हो भनेर । दावाका साथ भन्छु–पुग्नै सक्नुहुन्न । केलाई दिएको त्यो मल ?कौसी खेती गर्न दिएको हो कि विघाका लागि हो ?’

उनले सरकारसँग भएको पैसा  अनुदानका नाममा  कहाँ जान्छ भन्दै प्रश्नसमेत उठाए  ।