आज बागमती प्रदेश सभाकाे बैठक बस्दै

मकवानपुर । बागमती प्रदेश सभाको बैठक आज दिउँसो बस्दैछ । बैठक अपराह्न २ बजे बस्ने गरी आह्वान गरिएको प्रदेश सभा सचिवालयका प्रमुख सचिव कृष्णहरि खड्काले जानकारी दिए ।

प्रमुख सचिव खड्का अनुसार, आगामी आर्थिक वर्ष २०८०।०८१ को आर्थिक सर्वेक्षणमाथि छलफल गर्न प्रदेश सभा बैठक आह्वान गरिएको हो । आजको बैठकमा प्रदेशको आर्थिक मामिला मन्त्री बहादुरसिं लामाले आर्थिक वर्ष २०८०।८१ का लागि राजस्व र व्ययको सर्वेक्षण प्रस्ताव टेबुल गर्ने कार्यसूची रहेको छ ।

प्रदेश सभाको बैठक यसअघि गत जेष्ठ १९ गते सरकारको नीति तथा कार्यक्रम पारित भएपछि अर्को सूचना जारी नभएसम्मका लागि स्थगित भएको थियो । नीति तथा कार्यक्रममा अत्यावश्यक कार्यक्रमहरु छुटाएको भन्दै प्रमुख प्रतिपक्ष रुष्ट छ ।