मुख्यसचिवबाट राजीनामा दिएका वैरागी सुरक्षा परिषद्को सल्लाहकारमा नियुक्त

फाइल तस्बिर

काठमाडौँ- नेपाल सरकारको मुख्यसचिव पदबाट राजीनामा दिएका शंकरदास वैरागीलाई राष्ट्रिय सुरक्षा परिषद्को सल्लाहकारमा नियुक्त गरिएको छ । 

बिहीबार बसेको मन्त्रिपरिषद् बैठकले वैरागीले मुख्यसचिव पदबाट दिएको राजीनामा स्वीकृत गरेको छ । वैरागीले दिएको राजीनामा स्वीकृत गरेपछि पुनः बसेको मन्त्रिपरिषद् बैठकले वैरागीलाई राष्ट्रिय सुरक्षाा परिषद्को मन्त्रीस्तरीय सल्लाहकारमा नियुक्त गरेको हो । 

‘आज दुई पटक मन्त्रिपरिषद् बैठक बसेको छ,’ परराष्ट्रमन्त्री एनपी साउदले भने, ‘पहिलो बैठकले शंकरदास वैरागीले मुख्यसचिव पदबाट दिएको राजीनामा स्वीकृत गरेको छ । साथै दोस्रोपटक बसेको बैठकले वैरागीलाई राष्ट्रिय सुरक्षा परिषद्को मन्त्रीस्तरीय सल्लाहकारमा नियुक्त निर्णय गरेको छ ।’