लागूऔषधसहित तीन जना पक्राउ

सुर्खेत । जिल्ला प्रहरी कार्यालय सुर्खेतले लागूऔषधसहित तीन जनालाई पक्राउ गरेको छ । विशेष सुचनाका आधारमा खटिएको प्रहरी टोलीले तीन जनालाई पक्राउ गरेको हो ।

पक्राउ पर्नेमा कालिकोट सान्नी त्रिवेणी गाउँपालिकाका ३० वर्षीय अर्जुन देवकोटा, बाँकेस्थित नेपालगञ्ज उपमहानगरपालिका वडा जम्वर ११ बस्ने २४ वर्षीय फेरोज खान र २३ वर्षीया शारदा सिंह ठकुरी पक्राउ परेका छन् । 

प्रहरीले देवकोटा र खानलाई सुर्खेतकै एक होटलबाट पक्राउ गरेको हो । उनीहरुबाट ८ गा्रम ब्राउनसुगर बरामद गरेको प्रहरीले जनाएको छ । प्रहरीका अनुसार यी दुवै युवकले दिएको सूचनाको आधारमा शारदालाई नेपालगञ्जस्थित उनकै निवासबाट पक्राउ गरेको हो ।

उनीबाट प्रहरीले ११ ग्राम आठ सय २० मिलिग्राम लागूऔषध बरामद गरेको जिल्ला प्रहरी कार्यालय सुर्खेतका सुचना अधिकारी लक्ष्मणबहादुर शाहीले जानकारी दिए । घटनाको विषयमा थप अनुसन्धान जारी रहेको शाहीले बताए।