सामाजिक सञ्जालमा अराजकता बढ्यो: प्रधानमन्त्री

काठमाडौँ - प्रधानमन्त्री पुष्पकमल दाहालले सामाजिक सञ्जालमा अराजकता बढेको बताएका छन् । नीति तथा कार्यक्रममा सांसदहरूले उठाएका प्रश्नहरूको शनिबार प्रतिनिधिसभा बैठकमा जवाफ दिँदै उनले सामाजिक सञ्जालमा प्रयोग भएका भाषा तल्लो स्तरको र सुन्न नि नसक्ने भएको बताएका हुन् । 

उनले थपे त्यहाँ प्रयोग गर्ने फोटो पनि त्यस्तै हुन्छ । 'अन्य मुलुकले त्यसलाई कसरी नियमन गरेका छन् म बुझ्दैछु र हाम्रो सामाजिक सञ्जाल र मिडियालाई नियमन गर्न जरुरी मैले देखेको छु', उनले भने । त्यसका लागि सुरुवात सदनबाटै गर्नुपर्ने पनि उनले बताए । 'संसदलाई जनताले हेरेका हुन्छन् त्यसैले संसदमा बोल्दा सभ्य भाषा बोल्न अनुरोध गर्दछु',उनले भने ।