सरकारले भूमिहीन सुकुम्बासी एवं अव्यवस्थित बसोबासको समस्या समाधान गर्ने

काठमाडौँ– सरकारले आगामी वर्षको नीति तथा कार्यक्रममा भूमिहीन सुकुम्बासी एवं अव्यवस्थित बसोबासको समस्या समाधान गर्ने नीति लिएको छ । शुक्रबार संघीय संसद्को दुवै सदनलाई सम्बोधन गर्दै राष्ट्रपति रामचन्द्र पौडेलले सरकारको नीति यस्तो रहेको बताएका हुन् । 

राष्ट्रिय भूमि आयोगको कार्यलाई समेत तीब्रता दिने बताए । मुक्त हलिया कमयै कमलरी, भूमिहीन सुकुम्बासी एवं अव्यवस्थित बसोबासको समस्या समाधान गरिनेछ,’ उनले भने, ‘ती समुदायको विकासका लागि एकीकृत विशेष कार्यक्रम लागू गरिने छ ।’

सरकारको नीति तथा कार्यक्रममा गरिब घरपरिवारका लागि पहिचान तथा परिचयपत्र वितरण कार्यक्रम दुई वर्ष भित्र सक्ने राष्ट्रपति पौडेलले बताए ।  

 गरिब परिचय पत्रलाई राष्ट्रिय परिचय पत्रसँग आबद्ध गर्दै सामाजिक सुरक्षा कार्डमा रूपान्तरण गरिने सरकारको नीति रहेको उनले जानकारी दिए ।