विश्वकप छनोटका लागि स्कटल्यान्डको क्रिकेट टिम घोषणा

काठमाडौँ- स्कटल्यान्डले जिम्बाब्वेमा हुने आईसीसी पुरुष विश्वकप छनोटका लागि टिमको घोषणा गरेको छ । क्रिकेट स्कटल्यान्डले बुधबार रिची बेरिङ्टनको कप्तानीमा १५ सदस्यीय टोलीको घोषणा गरेको हो ।

जिम्बाब्वेले जुन १८ देखि जुलाई ९ तारिखसम्म विश्वकप छनोटको आयोजना गर्दैछ । विश्वकप छनोटमा जिम्बाब्वेसँगै नेपाल, नेदरल्यान्ड्स, स्कटल्यान्ड, ओमान, श्रीलंका, अमेरिका, यूएई, वेस्ट इन्डिज र आयरल्यान्डको सहभागिता हुनेछ ।

विश्वकप छनोटबाट दुई टोलीले यसै वर्ष भारतमा हुने विश्वकपमा स्थान बनाउने छन् ।