सिन्धुली र मकवानपुरमा निषेधाज्ञा लम्बियो

सिन्धुलीः सिन्धुली र मकवानपुरमा निषेधाज्ञा लम्बिएको छ । जिल्ला प्रशासन कार्यालय सिन्धुलीले जेठ ८ गतेसम्मलाई निषेधाज्ञा लम्बाएको हो । गएराति १२ बजेदेखि जेठ ८ गतेसम्मको लागि निषेधाज्ञा लम्बाइएको प्रमुख जिल्ला अधिकारी सुरेश न्यौपानेले जानकारी दिए । 

जिल्लामा १५ जना कोभिड संक्रमित अस्पतालमा उपचाररत रहेको भन्दै उनले निषेधाज्ञालाई थप कडाइ गरिने बताए । सिन्धुली अस्पताललाई ४७ बेडको कोभिड अस्पताल बनाइएको छ । अस्पतालको आफ्नै अक्सिनज प्लान्ट जडान गरेर संचालनमा ल्याँउदो अक्सिजन सिलिण्डरको अभाव भने नभएको उनले बताए ।

सिन्धुलीमा हालको लागि अक्सिजन सिलिण्डर स्टक राख्ने अवस्था नभएको प्रजिअ न्यौपानले बताए । सिन्धुली अस्पतालले विजुली गएको अवस्थमा प्रयोग गर्न केही थान सिलिण्डर भने जगेडा राखेको छ । यसअघि २२ बैशाखदेखि २९ बैशाख राति १२ बजेसम्म जिल्लामा निषेधाज्ञा जारी भएको थियो । 

यस्तै मकवानपुरमा पनि निषेधाज्ञा लम्बिएको छ । शुक्रबार राति १२ बजेबाट जेठ १३ गतेसम्म लाई निषेधाज्ञा थप गर्न जिल्ला कोभिड–१९ संकट व्यवस्थापन केन्द्रको आज बसेको बैठकले प्रमुख जिल्ला अधिकारीलाई सिफारिस गरेको छ ।