बिष सेवनबाट सप्तरीमा बालिकाकाे मृत्यु

फाइल फोटो

सप्तरी - विष सेवनबाट एक १३ बर्षिया बालिकाको मृत्यु भएको छ ।

महादेवा गाउँपालिका ३ बलिया बथनाहाका पवन कुमार यादवको छोरी बर्ष १३ की प्रिति कुमारी यादवकाे मृत्यु भएकाे हाे । धरान स्थित विपि कोइराला स्वास्थ्य विज्ञान प्रतिष्ठान अस्पतालमा उपचारको क्रममा उनकाे मृत्यु भएको जिल्ला प्रहरी कार्यालयले जनाएकाे छ ।

बालिका तिरहुत गाउँपालिका- ४ डिमन बस्ने जोगिन्द्र यादवको घर आएको समयमा मंगलबार मुसा मार्ने विषादी सेवन गरेकी थिइन्, सुरूमा गजेन्द्र नारायण सिंह अस्पताल राजविराजमा उपचारको लागि भर्ना गरिए पनि पछि धरान लगिएकाे हाे ।

 मृतक बालिकाको शव धरानमा रहेको तथा घटना बारे थप अनुसन्धान भइरहेको प्रहरी प्रवक्ता नरेश कुमार सिंहले जानकारी दिए ।