लखनउका कप्तान केएल राहुलले आईपीएलका बाँकी सबै खेल गुमाउने

काठमाडौँ- लखनउ सुपर जायन्ट्सका कप्तान केएल राहुलले इन्डियन प्रिमियर लिग (आईपीएल) को जारी सिजनका बाँकी सबै खेल गुमाउने भएका छन् । खुट्टाको चोटका कारण राहुलले आईपीएलका बाँकी सबै खेल गुमाउने क्रिकइन्फोले जनाएको छ ।

यससँगै भारतीय ब्याट्सम्यान राहुलले जुन ७ बाट इंग्ल्यान्डको ओभलमा सुरु हुने अस्ट्रेलियाविरुद्धको विश्व टेस्ट च्याम्पियनसीपको फाइनलमा पनि गुमाउने सम्भावना बढेको छ ।

गत सोमबार आईपीएलअन्तर्गत रोयल च्यालेन्जर्स बैंग्लोरविरुद्धको खेलमा क्रममा राहुल घाइते भएका थिए । उक्त खेलमा लखनउले १८ रनको पराजय भोगेको थियो ।

पाँच खेलमा हात पारेको लखनउ तालिकाको दोस्रो स्थानमा रहेको छ ।