क्रिकेट विश्वकपः भारत र पाकिस्तानबीचको खेल अहमदाबादमा हुने सम्भावना

काठमाडौँ- आईसीसीको एकदिवसीय क्रिकेट विश्वकपअन्तर्गत आयोजक भारत र पाकिस्तानबीचको खेल अहमदाबादमा रहेको नरेन्द्र मोदी स्टेडियममा हुने प्रवल सम्भावना रहेको छ । भारतले अक्टोबर-नोभेम्बरमा एकदिवसीय विश्वकप आयोजना गर्दैछ ।

समूह चरणमा भारत र पाकिस्तानबीच हुने खेल भने अहमदाबादमा हुने बलियो सम्भावना रहेको द इन्डियन एक्प्रेसले जनाएको छ । पाकिस्तानले सन् २०१६ पछि पहिलो पटक भारतविरुद्ध भारतीय मैदानमा खेल्ने भएको छ ।

अहमदाबादको नरेन्द्र मोदी स्टेडियमको दर्शक क्षमता १ लाख रहेको छ । भारत र पाकिस्तानबीचको खेलका लागि ठूलो संख्यामा दर्शकहरु अहमदाबाद पुग्ने अपेक्षा गरिएको छ ।

विश्वकपको तालिका सार्वजनिक नभएपनि अक्टोबर ५ बाट सुरु हुने जनाइएको छ ।