कार्यालय समयमा काठमाडौँ महानगरका प्रहरी तास खेल्दै

काठमाडौँ- काठमाडौँ महानगरपालिकाका नगर प्रहरी कार्यालय समयमा तास खेलिरहेको अवस्थामा फेला परेका छन् । बुधबार कार्यालय समयमा  उनीहरू टेकुस्थित कार्यालयमा तास खेल्दै गरेकाे अवस्थामा फेला परेका हुन् ।

महानगरका दुई नगर प्रहरी र एक जना भने बाहिर कम्पनीबाट करारमा ल्याइएका नगर प्रहरी रहेका छन् । महानगरका प्रहरीलाई निलम्बन गरी कारबाही गरिने र बाहिर कम्पनीका प्रहरीलाई फिर्ता पठाइने महानगर स्रोतले इकागजलाई जानकारी दिएको छ । 

तास खेल्नेमा नगर प्रहरी निरीक्षक निरकुमार बस्नेत, हवलदार प्रयास घिमिरे र जवान रुपेश बानियाँ रहेका छन् । बानियाँ भने कम्पनीबाट करारमार्फत नगर प्रहरीमा आएका हुन् । 

यसअघि हवल्दार घिमिरे उपमेयर सुनिता डंगोलसँगै सुरक्षाकर्मीका रूपमा हिँड्ने गर्थे ।