पहिरोले थुनिएको ८ घण्टापछि अरुण नदी ओभरफलो भएर बग्न थाल्यो

अरुण नदी/ फाइल तस्वीर

काठमाण्डौ – सुक्खा पहिरोले थुनिएको अरुण नदीको पानी ओभरफलो भएर बग्न थालेको छ ।
 

निर्माणाधीन नौ सय मेगावाट क्षमताको अरुण तेस्रो जलविद्युत् आयोजनाको ‘ड्याम साइट’को टनेलमा पहिरो खसेपछि अरुण नदी थुनिएको थियो । मकालु गाउँपालिका–३ नयाँ बस्तीबाट सुक्खा पहिरो खसेपछि टनेल थुनिएको हो । 

पहिरोले नदी थुनिएपछि पहिरोले अरुण थुनिएपछि दुई किलोमिटर माथिसम्म ताल बनेको थियो । अरुण तेस्रो जलविद्युत् निर्माणस्थल सङ्खुवासभाको फाक्सिन्दामा सुक्खा पहिरो खसेर बिहानदेखि नदी थुनिएको थियो । अहिले पानी बगन थालेपछि जोखिम नरहेको जिल्ला प्रशासन कार्यालय संखुवासभाले जनाएको छ ।
 

संखुवासभाका प्रमुख जिल्ला अधिकारी शिवकुमार कार्कीकाअनुसार विहान पौने ६ बजे आएको पहिरोले नदी थुनिएको थियो । ‘ओभरफलो पौने दुई बजे भएको हो,’ कार्कीले इकागजसँग कुरा गर्दे भने, ‘करिब आठ घण्टा खुला थुनियो ।’ उनले खोलो थुनिँदा स्थानीयवाुी त्रसित रहे पनि सुरक्षित स्थानमा राखिएको बताए ।
थुनिएको ड्यामको उचाई २६ मिटर रहेको छ । उनले करिब २७ मिटरबाट ओभरफलो भएर पानी बगेको हुनसक्ने बताए। 

“टनेलको पानी निस्कासन हुने ठाउँमा पहिरो खसेपछि नदी थुनिएको भएको हो”, उनले भने । अरुण नदीको वहाब परिवर्तन गरी चार सय २९ मिटर लामो टनेल निर्माण गरिएको छ । अस्थायी बाँध निर्माण गरी टनेल मार्फत नदी बग्दै आएको थियो ।