प्रदेश-२ मा ९८१ को परीक्षण गर्दा ४९७ जनामा कोभिड पुष्टि

जनकपुरधाम : प्रदेश-२ मा आइतबार साँझ पछिल्लो २४  मा ९८१ जनाको स्वाब परीक्षण गर्दा ४९७ जनामा कोभिड-१९ संक्रमण पुष्टि भएको छ । स्वास्थ्य निर्देशनालयले जारी गरेको रिपोर्ट अनुसार सबैभन्दा बढी धनुषा जिल्लामा १२७ जनामा संक्रमण पुष्टि भएको छ ।

त्यस्तै महोत्तरीमा ११२ जना, सिरहामा ३३ जना, बारामा ६७ जना, सप्तरीमा २ जना, रौतहटमा ५०  जना, पर्सामा ७१ र सर्लाहीमा ८ जना संक्रमित भएको छ भने अन्य प्रदेशका ११ जनामा समेत संक्रमण देखा परेको छ ।

आरटी पिसिआर ९०४  जनाको गर्दा ४६९ र एन्टिजेन विधिबाट ७१ जनाको परीक्षण गर्दा २८ जनामा संक्रमण फेला परेकामध्य महिला १ सय ५३ जना र पुरुष ३ सय ५३ जना रहेका छन् । योसँगै प्रदेशमा संक्रमणले ४ जना मृत्यु भएको छ भने ५७ निको भएर घर फर्केका छन् । मृतकमध्य सबै सिरहा जिल्लाकै रहेको निर्देशनालयले जनाएको छ ।