नेपालपे क्युआरबाट भुक्तानी गर्दा १० प्रतिशत क्यासब्याक पाइने

काठमाडौँ- नेपालपे क्युआर स्क्यान गरी भुक्तानी गर्दा १० प्रतिशत वा अधिकतम एक सय रुपैयाँसम्मको क्यासब्याक प्राप्त गर्न सक्ने भएका छन् । उक्त अफर नेपालभर रहेका नेपालपे क्युआरका सम्पूर्ण मर्चेन्टहरूमा आजदेखि २०८० बैशाख २ गतेसम्म उपलब्ध हुने जनाएको छ ।   

विभिन्न मर्चेन्टहरूमा Static QR, डिपार्ट्मेन्ट स्टोरमा Dynamic QR, इ–कमर्श पोर्टलमा QR गेटवे तथा पिओएसमा उपलब्ध रहेको नेपालपे क्युआर ग्राहकले आफ्नो मोबाइल बैंकिङ्ग, वालेट वा कनेक्टआइपिएस बाट सजिलै स्क्यान गरी भुक्तानी गर्न सक्छन् ।

नयाँ वर्ष २०८० मा नेपालभर रहेका २ लाख ३५ हजारभन्दा बढी नेपालपे क्युआर मर्चेन्टहरूमा लागू गरिएको उक्त अफरमार्फत नगद रहित भुक्तानीलाई थप प्रोत्साहन गर्ने विश्वास गरिएको छ । 

हाल नेपालपे क्युआर को सुविधा अधिकांश बैंक वित्तीय संस्थाको मोबाइल बैंकिङ्ग र वालेटहरूमा उपलब्ध रहेको छ ।