ला लिगामा एथ्लेटिको र बार्सिलोनाको बराबरी

काठमाडौँ : स्पेनिस ला लिगा फुटबलमा एथ्लेटिको म्याड्रिड र बार्सिलोनाले बराबरी खेलेका छन् । शनिबार राती भएको महत्वपूर्ण खेलमा दुवै टिमले गोलरहित बराबरी खेलेका हुन् । 

यो बराबरीले तेस्रो स्थानको रियल म्याड्रिडलाई प्रत्यक्ष फाइदा पुगेको छ । बराबरीबाट शीर्ष स्थानको एथ्लेटिकोको ३५ खेलबाट ७७ अंक भएको छ भने दोस्रो स्थानको बार्सिलोनाको ७५ अंक छ । एक खेल कम खेलेको रियलको ७४ अंक छ ।

अब आफ्नो खेलमा जित निकाले रियललाई शीर्ष स्थानमा उक्लिने मौका हुनेछ । यद्यपी गोल अन्तरका आधारमा पछि पर्न सक्नेछ । ला लिगामा अब तीन खेल बाँकी रहँदा उपाधि होड रोमाञ्चक बनेको छ ।