युएईलाई पराजित गरे नेपालले २०२४ को क्रिकेट विश्वकप खेल्ने

काठमाडौँ- आईसीसी यू-१९ पुरुष क्रिकेट विश्वकप एसिया छनोटअन्तर्गत आयोजक युनाइटेड अरब इमिरेट्सलाई पराजित गरे नेपालले आगामी वर्ष यू-१९ विश्वकप खेल्नेछ ।

छनोटअन्तर्गत नेपाल र आयोजक युएईबीचको खेल बिहीबार इडेन गार्डेन ओभलमा हुनेछ । उक्त खेलको विजेताले सन् २०२४ मा श्रीलंकामा हुने यू-१९ विश्वकप खेल्नेछ ।

छनोट प्रतियोगितामा नेपाल र युएई दुवैले अघिल्ला चारवटै खेलमा जित हात पार्दै समान ८-८ अंक जोडेका छन् । विजेता टोलीले भने पाँचवटै खेलमा विजयी हुँदै विश्वकपमा छनोट हुनेछ ।

छनोटमा युएई र नेपालसँगै सिंगापुर, कुवेत, हङकङ र मलेसियाको सहभागिता रहेको छ । प्रतियोगिता सिंगल राउन्ड रोबिनको आधारमा संचालन भइरहेको छ ।

यसअघि नेपालले सिंगापुरलाई ९६ रन, कुवेतलाई २ सय ४३ रन, हङकङलाई ९ विकेट तथा मलेसियालाई १० विकेटले पराजित गरेको थियो ।