यू-१९ विश्वकप छनोटः कुवेतविरुद्ध कप्तान देवले पनि पूरा गरे शतक

काठमाडौँ- युनाइटेड अरब इमिरेट्स (यूएई) मा जारी आईसीसी यू-१९ पुरुष विश्वकपको एसिया छनोटमा नेपालका कप्तान देव खनालले पनि पूरा गरेका छन् । देवले कुवेतविरुद्धको खेलमा शतक पूरा गरेका हुन् ।

छनोटअन्तर्गत नेपालले दोस्रो खेलमा कुवेतविरुद्ध ब्याटिङ गरिरहँदा देवले शतक पूरा गरे । उनले १ सय ५ बलमा शतक पूरा गरेका हुन् । देवले ८ चौका र १ छक्का हिर्काए ।

यसअघि अर्जुन कुमाल शतक पूरा गर्दै १ सय ८ रनमा आउट भए । ​छनोटअन्तर्गत शतक पूरा गर्ने अर्जुनपछि देव दोस्रो खेलाडी बनेका छन् ।