यू-१९ विश्वकप छनोटः कुवेतविरुद्ध अर्जुनले हिर्काए शतक

काठमाडौँ- युनाइटेड अरब इमिरेट्स (यूएई) मा जारी आईसीसी यू-१९ पुरुष विश्वकपको एसिया छनोटमा नेपालका अर्जुन कुमालले शतक पूरा गरेका छन् । अर्जुनले कुवेतविरुद्धको खेलमा नेपालका लागि शतक पूरा गरेका हुन् ।

छनोटअन्तर्गत नेपालले दोस्रो खेलमा कुवेतविरुद्ध ब्याटिङ गरिरहेको छ । मलेक क्रिकेट ग्राउन्डमा नेपालले टस जितेर पहिले ब्याटिङ गरिरहेको नेपालका लागि अर्जुनले १ सय १ रन बनाएका छन् । छनोटअन्तर्गत शतक पूरा गर्ने उनी पहिलो खेलाडी हुन् ।

यता कप्तान देव खनाल पनि अर्धशतक पूरा गरेर ब्याटिङ गरिरहेका छन् ।