ऐन, कानुन बनाउनेतर्फ संसद्को ध्यान जान सकिरहेको छैन : सभामुख घिमिरे

फाइल तस्बिर

काठमाडौँ- सभामुख देवराज घिमिरेले संसद्को ध्यान ऐन, कानुन बनाउनेतर्फ जान नसकेको बताएका हुन् ।

आइतबार अनौपचारिक क्षेत्र सेवा केन्द्र (इन्सेक)ले आयोजना गरेको नेपाल मानव अधिकार वर्ष पुस्तक २०२३ विमोचन समारोहलाई सम्बोधन गर्दै सभामुख घिमिरेले ऐन, कानुन बनाउनेतर्फ संसद्को ध्यान जान नसकेको बताएका हुन् । देशमा धेरै ऐन, कानुनहरू बनाउनुपर्ने आवश्यकता भए पनि त्यसो हुन नसकेको उनले उल्लेख गरे ।

घिमिरेका अनुसार बनेका ऐनहरूको कार्यान्वयनको अवस्थाको सन्दर्भमा निष्पक्ष ढंगले अनुगमन पनि हुन सकेको छैन । सरकारले संसद्लाई उचित ढंगले नहेरेको तर्क गरे ।

सभामुख घिमिरेले कतिपय कुराहरू न्यायपालिकामा गएर पनि काममा अवरोध खडा भएको बताए । उनले कार्यपालिका र व्यवस्थापिकाका बीचमा समन्वय हुनुपर्ने  । उनले ऐन, कानुन कार्यान्वयनमा देखिएका समस्याको समाधान खोज्नुपर्ने र कार्यपालिकालाई व्यवस्थित गर्नुपर्ने बताए । 

सभामुख घिमिरेले विगतमा भएका युद्धमा प्रभावित मान्छेहरूका लागि सरकारले गम्भीर भएर कुनै पनि काम गर्न नसकेको उल्लेख गरे । त्यस्तै संसद्‍मा पनि ति विषयमा आधारित भएर छलफल गर्न नसकिएको भन्दै त्यसप्रति सरकारको ध्यानाकर्षण गराए ।

सभामुख घिमिरेले सरकारलाई संसद्प्रति उत्तरदायी बनाउनुपर्ने बताए । उनले संसद्लाई जनताको आकांक्षा अभिव्यक्ति गर्ने थलोका रूपमा विकास गर्ने प्रतिबद्धता व्यक्त गरे ।

उनले राजनीतिक दल र सांसदहरूलाई जनताप्रति उत्तरदायी बनाएर संसद् चलाउने बताए । संसद्ले पूर्ण रूपमा जनताप्रति जवाफदेही भएर काम गर्ने उनको भनाइ छ ।