पशुपति आर्यघाटमा लासकाे लाइन, बागमती किनारमै दाहसंस्कार

तस्बिर : बिनाज गुरुवाचार्य

काठमाडौँ : कोभिड-१९ महामारीका कारण ज्यान गुमाउनेको संख्या बढ्दै गएपछि पशुपति आर्यघाटमा दाहसंस्कार गर्न कठिनाई भएको छ । काठमाडौँ उपत्यकामा कोभिड-१९बाट ज्यान गुमाएकाको अन्तिम संस्कार यसअघि पशुपतिस्थित विद्युतीय शवदाह गृहमा हुँदै आएको थियो । तर, मृत्यु हुनेको संख्या बढेसँगै विद्युतीय शवदाह गृहभन्दा बाहिर पनि शव जलाउन थालिएको छ ।

सेनाले बागमती किनारमा नै शव व्यवस्थापन गर्न सुरु गरेको हो । शव व्यवस्थापनका लागि सेनाले वागमती किनारमा सम्याउने काम गरेको छ ।  कोरोनाबाट मृत्यु भएकाहरूको अन्त्येष्टी नेपाली सेनाको टोलीले गर्दै आएको छ ।