काठमाडौँमा ५ हजारभन्दा बढी प्रहरी परिचालन

फाइल तस्बिर

काठमाडौँ : काठमाडौं उपत्यकामा जारी निषेधाज्ञालाई प्रभावकारी रुपमा कार्यान्वयन गराउन काठमाडौंका अधिकांश स्थानमा प्रहरी तैनाथ गरिएको छ । उपत्यका ५ हजारभन्दा बढी प्रहरी परिचालन गरिएको छ भने उपत्यकाभर १ सय ५० भन्दा बढी स्थानमा होल्डिङ सेन्टर बनाएको हो । 

विभिन्न स्थानमा स्पेशल चेक प्वाइन्ट राखेर चेकजाँच गरिएको छ  । उपत्यकामा जारी निषेधाज्ञालाई व्यवस्थित गर्न प्रहरीका उच्च अधिकारीहरु नै फिल्डमा खटिएका छन् । काठमाडौं प्रहरी प्रमुख एसएसपी अशोक सिंहले सरकारले तय गरेको मापदण्ड पालना गराउन आफुहरु व्यस्त रहेको बताए । 

त्यस्तै अनावश्यक रुपमा हिँडडुल नगर्न सर्वसाधारणलाई सम्झाउने बुझाउने काम पनि प्रहरीले गरेको बताए । जनतालाई सुरक्षित बनाउन आफुहरू पनि सुरक्षित हुँदै फिल्डमा खटिएको उहाको भनाई छ । प्रहरीले उपत्यकाभित्रको जाँचलाई प्रभावकारी बनाउनेदेखि सीमाक्षेत्रमा आवतजावतमासमेत कडाइ गरेको छ ।