कोभिड-१९ संकट : जुम्लामा कार्यरत चिकित्सकसतिहको टोली नेपालगन्ज आइपुग्यो

नेपालगन्ज : नेपालगन्जको भेरी अस्पतालको कोभिड-१९ वार्डमा सहयोगका लागि जुम्लास्थित कर्णाली स्वास्थ्य विज्ञान प्रतिष्ठानबाट चिकित्सकसतिहको टोली आइपुगेको छ । भेरी अस्पतालमा जनशक्तिको चरम अभाव भएपछि सहयोगका लागि उक्त टोली नेपालगञ्ज आइपुगेको हो ।

प्रतिष्ठानका एनेस्थेसिया तथा क्रिटिकल केयर विभाग प्रमुख डा‍‍.प्रविण गिरी नेतृत्वको चिकित्सक तथा स्वास्थ्यकर्मीको ६ सदस्यीय टोली नेपालगन्ज आइपुगेको भेरी अस्पतालले जनाएको छ । टोली आजैदेखि भेरी अस्पतालको कोभिड वार्डमा खटिने अस्पतालको भनाई रहेको छ ।

ईन्चार्ज गिरीसहित टोलीमा डा अरुण श्रेष्ठ, डा हरि न्यौपाने, नर्सहरू सुष्मिता खड्का, तेन्जीङ लामा र प्यारामेडिक्स नरेन्द्र शर्मा संलग्न रहेका छन् । टोलीले दुई हप्ता सम्म भेरी अस्पतालमा रहेर सहयोग गर्ने बताइएको  छ ।